🏃♀️ Rex 師父教落，點解凡事都要先 Set 好目標？
今日去跑步嘅時候，突然之間有份好深刻嘅感受。
話說我今日同自己 set 咗 6 公里嘅目標。一開始跑完 2 公里嗰陣，感覺都仲 OK，但當跑去到 4 公里，個人就開始覺得有啲攰、有啲無力，心入面想放棄。
💡但就在嗰一刻，我諗返起自己原本個目標——我仲差 2 公里就到 6 公里喇喎！
我喺度諗：「我都已經跑咗 4 公里，成功咗大半啦，其實係咪可以咬緊牙關，跑埋佢呢？再跑多陣就完成埋淨返嗰2公里啦！」就係憑住呢個諗法，我繼續跑落去，最後真係順利完成咗我嘅 6 公里！
事後我諗返，如果同其他人講，好多人都會話：「咁你咪選擇放棄囉，你喺 2 公里或者 4 公里嗰陣，隨時都可以唔跑，好閒啫！」無錯，我哋確實有權揀繼續定放棄。揀跑定唔跑。但大前提係：你一開始一定要有目標。
💡如果你一開始連目標都無 set 好，你根本連「揀繼續堅定落去」定係「揀放棄」嘅資格都無！
因為你無終點，只係盲目咁跑，攰咗停低唔叫放棄，只係因為你根本唔知自己想去邊。
呢個就係點解一開始先 set 目標係咁重要。
目標唔係要畀壓力自己，而係當你行到中途覺得好攰、想放棄嘅時候，佢會提醒你「其實你已經行咗咁遠」，等你有動力「咬緊牙關時可跑埋落去」。
不論係跑步、工作事業、生活或理想，出發前先幫自己 Set 個目標啦！有咗目標，你每一步付出嘅汗水先至有價值。✨
藝術療癒發展中心
祖兒與你
指尖溫度｜指尖藝術｜情緒療癒 ｜情緒轉化｜祖兒心靈藝術舍｜指尖心靈導師｜身心靈
留言